2019 жылдың 11 қазан күні Қазақстан Республикасы Президентінің жанындағы мемлекеттік басқару академиясының Жамбыл облысы бойынша филиалында «Үкіметтік емес ұйымдармен және қоғамдық кеңестермен байланыс» тақырыбындағы біліктілікті арттыру семинары басталды.
Семинардың мақсаттары:
Әлемдік экономика, цифрландыру, технологиялық және әлеуметтік-экономикалық соңғы өзгерістер, білім беру және мемлекеттік қызметті кәсібилендіру салаларындағы заманауи үрдістер туралы оқыту. Көшбасшылық, сыни ойлау, дағдарыстық коммуникациялар, келіссөздер, жеке брендинг, эмоционалды интеллект, жобаны басқару салаларында практикалық дағдылар мен құзыреттерді дамыту. Өңір басшыларын елдегі және әлемдегі өзгерістерді жаңа қырынан танып, жаңа трансформациялық ойлау дағдысына үйрету. Ауылдық огруг әкімдер корпусының жергілікті өзін-өзі басқарудың замануи мәселелерін шешудегі әлеуетін арттыру.
Семинарға шолу:
|
Қазіргі мемлекеттік басқару саласы жылдам өзгерістермен, күрделілігімен және жоғары қарқынды даму қажеттілігімен сипатталады. Мемлекеттік басқарушылар әртүрлі мүдделі тараптарды қанағаттандыратын және тың шешімдер қабылдауы тиіс. Бүгін мемлекет пен қоғам өзгеруіндегі негізгі қозғаушы күш ретінде әлеуметтік-экономикалық дамудың басты тірегі – қоғамның интеллектуалды және адамдық әлеуеті саналып отыр. Дегенмен, мұндай әлеует реформашы-көшбасшылар тарапынан тиімді басқаруды талап етеді. Қазіргі көшбасшы – санасы өзгерістерге және әлемдік тәжірибені қабылдауға дайын, ақылды прагматик, көптілді интеллектуал. Әкімдерде аталған жаңа дағдыларды дамытып, олардың бойында трансформациялық көшбасшылықтың жаңа мәдениетін қалыптастыру – тұтасымен практикаға бағытталған осы семинарымыздың негізгі мақсаты болып табылады. |
