Жамбыл облыстық мәслихатының депутаттарына арналған «Мәслихат депутатының құзыреті. Бюджеттік жоспарлау. Тиімді коммуникациялар» тақырыбындағы семинар-тренинг өз мәресіне жетті.Апта бойы 22 депутат 2 топқа бөлініп мәслихат қызметінің тәртібі, бюджетті қалыптастыру және жүзеге асыру, тиімді коммуникациялар, әлеуметтік желілер арқылы тұрғындармен тиімді байланыс орнату сияқты маңызды да қызықты тақырыптар аясында құнды ақпараттарға қанығып, өз дағдыларын жетілдіруге мүмкіндік алды.
Мұндай іс-шаралардың тұрақты ұйымдастырылуы жергілікті өкілді органдар қызметін жетілдіруге өз септігін тигізеді деген сенім білдіре отырып, Академия филиалының осы бағытта өзінің әлеуетін ұсынуға әрдайым дайын екендігін айта кеткіміз келеді.
Семинарды Тараз қалалық сотының судьясы Ғ.Е. Камзиева, Жамбыл облысының мамандандырылған ауданаралық экономикалық сотының судьясы Г.Қ. Ажақаева, Академияның штаттан тыс оқытушысы Н.К. Аширова, Тараз өңірлік университетінің доценті З.Т. Абдукаримова, психолог-фрилансер, біздің тұрақты әріптесіміз Г.А. Сарытай, Жамбыл облысының жобалық басқару және цифрландыру орталығы басшысының орынбасары Г.А. Ташенова, Академияның баспасөз хатшысы А.Б. Берлібай және басқа да әріптестеріміз жүргізді.
