Қазақстан Республикасы Президентінің жанындағы Мемлекеттік басқару академиясы Жамбыл облысы бойынша филиалының Мемлекеттік тілді оқыту кабинетінің бастамасымен 2021 жылғы 12 қарашада «100 жаңа оқулық» жобасы бойынша «Қазір бой жарыстыратын заман емес, ой жарыстыратын заман» тақырыбында Development day ұйымдастырды.
⠀
Тәуелсіздіктің 30 жылдығына орай «Мемлекеттік тіл шеруі» іс-шарасының жоспары аясында ұйымдастырылған кездесу Zoom платформасы арқылы Online форматта өтті.
⠀
Development day барысында қатысушылар қазақ тіліне аударылатын 100 жаңа оқулыққа кірген Р. Гриффиннің «Менеджмент» және С. Ковидің «Жасампаз жандардың 7 дағдысы» атты оқулықтары төңірегінде сөз өрбітті. Ой жарыстыратын заманда, үздік шет ел зерттеушілерінің ғылыми шығармаларын қазақ тіліне аудару қазақ тілді аудиторияның әлемдегі алдыңғы қатарлы ғылыми туындылармен таныстырудың бірден-бір жолы екендігі сөзсіз. Бұл шара қазақ тілінің қолданылу аясының кеңітіп, қазақтілді қауым өмірзердесінің әлемдік өркениетпен танысуын жаңа бір деңгейге көтере алады деп есептейміз. Кездесуден шабыт алған әріптестеріміз тиімді кері байланыс орната отырып өз ойларын және пікірлерін ортаға салды, іс-шараға берілген уақыт «уақыт менеджменті» аясындағы қажеттілігі жоғары уақыттардың бірі болды.
⠀
Негізгі түйін, аталған шараға қатысушылар елімізде қолға алынған «100 Жаңа оқулық» жобасының өзектілігі мен маңыздылығына тағы бір рет көз жеткізді.
