Академия
жаңалықтары

Академияның Жамбыл облысы бойынша филиалында Наурыз мейрамының алғашқы мерекесі деп қабылданып кеткен 14 наурыз – Көрісу күні өз деңгейінде ұйымдастырылып, тойланып өтілді.
⠀
Филиал ұжымы жұмыс күнін ҚР Мемлекеттік қызмет істері агенттігінің Жамбыл облысы бойынша департаменті қызметкерлерімен көрісуден бастап, екі тарап бір біріне деген ыстық ықыластарын білдірді.
⠀
Шара барысында ұлттық тағамдарды дәріптеу мақсатында мерекелік дастархан жайылды. Дастархан басында мерекенің шығу тарихы мен мәні жайлы әңгімелер айтылды.
⠀
Құрметті достар, әріптестер!
Филиал ұжымы баршаңызды Амал мерекесімен құттықтайды!

2023 жылдың 10 наурызында ҚР Президентінің жанындағы Мемлекеттік басқару академиясы Жамбыл облысы бойынша филиалының директоры Р.Садырқұлов пен ҚР Мемлекеттік қызмет істері агенттігінің Жамбыл облысы бойынша департаментінің басшысы Л.Ілебаев өңіріміздің зиялы қауым өкілдерімен кездесу өткізді.
⠀
Іс-шараға облысымыздың құрметті азаматы, жазушылар одағының мүшесі, жазушы, драматург Елен Әбдуатұлы, жазушылар одағының мүшесі, ақын Айша Көпжасарова, облыстық ардагерлер кеңесінің мүшесі, мемлекеттік қызмет және еңбек ардагері Үртай Сапаққызы, ҚР Еңбек сіңірген әртісі Асқарбек Сейлханов және жазушылар одағының мүшесі, ақын Үміт Қыранқызы қатысты.
⠀
Іс-шараға қатысушылар төмендегідей мәселелерді көтерді:
– Келесі сөз кезегін алған мемлекеттік қызметшілердің кішіпейілділігі мен қарпайымдылығына ерекше назар аударуі;
⠀
– мемлекеттік қызметшілердің әдептілігіне, киім кию үлгісіне жіті көңіл аудару, сондай-ақ, өзге ұлттарға мемлекеттік тілді үйренуге мүмкіндік жасау;
⠀
– бұқаралық ақпарат құралдарында мемлекеттік қызметшілердің сөз сөйлеу мәнеріне ден қойып мемлекеттік қызметшілерді мәдени орталықтарға, оның ішінде театрлар мен мұражайларға жиі баруға жағдай жасау;
⠀
Жиын жалғасында мелекеттік қызметшілердің антына беріктігі мен жауаптылық мәселесін қатаң сақтаудың маңыздылығын айтып өтті.

Құрметті арулар!!!
⠀
Қазақстан Республикасы Президентінің жанындағы Мемлекеттік басқару академиясының Жамбыл облысы бойынша филиалының ер азаматтары Сіздерді 8 наурыз – Халықаралық әйелдер күні мерекесімен шын жүректен құттықтайды!
⠀
Елімізде қыз-келіншектер білімді де білікті, жұмыспен қатар отбасына, бала тәрбиесіне үлгереді, мемлекетіміздің өркендеуіне, экономикалық өсуіне, атсалысады. Арулар отбасылық құндылықтарды, салт-дәстүрді, әдет-ғұрыпты сақтаушы шаңырақ шырақшылары, өмір-өзенде ақыл мен парасат кемесімен жүзіп келе жатқан асыл жандар.
⠀
Қымбатты арулар, Сіздер барда әлем жақсылық пен сұлулыққа, мейірім мен шаттыққа тұнып тұрады.
Мерекелеріңіз құтты болсын!

2023 жылдың 6 наурызында Қазақстан Республикасы Президентінің жанындағы Мемлекеттік басқару академиясы Жамбыл облысы бойынша филиалының директоры Р.Н.Садырқұлов, Қазақстан Республикасы Мемлекеттік қызмет істері агенттігінің Жамбыл облысы бойынша департаментінің басшысы Л.Қ.Ілебаев, Жамбыл облысы әкімдігінің мәдениет, архивтер және құжаттама басқармасы, басқарма басшысы Е.Н.Жүнісбай, Жамбыл облысы әкімі аппаратының әдеп жөніндегі уәкілі Е.С.Бекпатшаев төрт жақтан, «Қазақстан Республикасының мемлекеттік қызметі туралы» және «Мәдениет туралы» Қазақстан Республикасы Заңдарын басшылыққа ала отырып, өз құзыреттері мен өкілеттіктері шегінде келісімге қол жеткізді және өзара ынтымақтастық туралы меморандумға салтанатты түрде қол қойды.
⠀
Тараптар ынтымақтастығының мақсаты өзара әрекеттестік нәтижесінде Жамбыл облысындағы мемлекеттік органдардың мемлекеттік қызметшілеріне (келісім-шарт негізінде жұмыс жасайтын азаматтық қызметшілерді қоса алғанда) облыс орталығындағы Басқармаға бағынысты облыстық театрлардың мемлекетке, ұлтқа қызмет ету туралы қойылымдарын тамашалауға мүмкіндіктер жасау арқылы мемлекеттік қызметтің имиджін көтеру болып табылады. Алдағы уақытта, Тараз қаласындағы Асқар Тоқпанов атындағы Жамбыл облыстық қазақ драма театры мен Жамбыл облыстық орыс драма театрының репертуарлық жоспарына сәйкес, мемлекеттік қызметшілердің спектакльдерді көру кестесін тараптар келісе отырып бекітеді.
⠀
Сонымен қатар, Мемлекеттік қызметтің имиджін көтеруге бағытталған шараларды жүзеге асыруда тараптар өзара бірлесіп әрекет ететін болады.

Қазақстан Республикасы Президентінің жанындағы Мемлекеттік басқару академиясының Жамбыл облысы бойынша филиалында қазақ тарихындағы ел билігі мен бірлігіне өмірін арнаған қоғам қайраткері – Төле бидің 360 жылдығы «Туралықты тұғыр еткен Төле би» атты іс-шараға кең көлемде атап өтілді.
⠀
Өз заманының төбе биі атанған Төле бабамыздың өмірін зерттеген драматург – жазушы Елен Әлімжанұлы, тарих ғылымдарының докторы, профессор – А.Б. Әбдуәлі, М.Ә. Әбілов, филолог, профессор, Қазақстан жазушылар, журналистер одағының мүшесі, Ш. Мұртаза атындағы Халықаралық Тараз инновациялық институты, тарихи тұлғаның ұлылығы мен көрегендігі жөнінде ой қозғап, мемлекеттік қызметшілерге құнды ақпараттармен ой бөлісті.
⠀
Осыған орай, драматург Е.Әлімжанұлының «Төле би» тарихи драмасының негізінде Асқар Тоқпанов атындағы Жамбыл облыстық қазақ драма театрының әртістерінің орындауында қойылым үзінідісі мемлекеттік қызметшілер назарына ұсынылды. Сондай-ақ, филиал оқытушысы Тәтті Мадиярқызы «Бүтін билікке жеткен Төле би» атты ғылыми ақпараттық-танымдық брифинг өткізді. Брифинг барысында Сатыбалды Нарымбетовтың көркемдік жетекшілігімен «Сақ» киностудиясында түсірілген режиссер Батырхан Дәуренбековтың «Төле би» тарихи телехикаясынан үзінділер көрсетілді. Биліктің тізгінін тура ұстаған бабаның даналығымен қоса ерлігі тереңінен тартылып, тілге тиек болар «Қарлығаш би» аталуының және мазарының өзге елде болу себептері баяндалды.
⠀
Әр заманда ұрпақ қамын ойлайтын биліктегі азаматтардың үлгі болар өмірін осылай еске алу, «адам-ұрпағымен мәңгі жасайды» деген құндылықты ұстану – мемлекеттің мықтылығын,  халқының тектілігін білдіретін құбылыс екені айтылды.
⠀
«Development day» аясында М.Х. Дулати атындағы Тараз өнірлік университетінің «Ұстаз» институты «Әлем тілдері» кафедрасының білімгерлерінің қатысумен Төле би бабаның рухына арналған әдеби-музыкалық шығармалар жиынтығын халықаралық негізгі тілдерде орындаумен аяқталып, белсенділікпен қатысқан білімгерлерді марапаттаумен аяқталды.

2023 жылғы 3 ақпан күні Қазақстан Республикасы Президентіінің жанындағы Мемлекеттік басқару академиясы Жамбыл облысы бойынша филиалының “Б” корпусының мемлекеттік әкімшілік қызметіне алғаш кірген мемлекеттік қызметшілерді қайта даярлау курсы аяқталды.

Курс барысында тыңдаушылар Аярбеков Тоқтар  – Жамбыл ауданы сәулет және құрылыс бөлімінің бас маманы, Касимова Айсана @kassimova_aisana – Жамбыл ауданы Жамбыл ауылдық округі әкімі аппаратының бас маманы, Жақыпов Ерзат @erzat_zhaskanbaiuly, Жамбыл ауданы ішкі саясат бөлімінің бас маманы, Орынбай Есен @Orynbay.esen– Жуалы ауданы, Көкбастау ауылдық округі әкімі аппаратының бас маманы, Сәдір Нұрсейіт @Nurseiit_asetovich – Жамбыл ауданы, Ерназар ауылдық округі әкімі аппаратының бас маманы,сарапшылар мен шақырылған тренерлерден кәсіби тәжірибиелерін дамыту бойынша білім мен дағдылар алып, естелік ретінде ақпараттық-ресурстік орталығына И.Есенберлиннің «Көшпенділер» трилогиясы кітаптарын ұсынды.

Алғыс білдіре отыра, әріптестігіміз арта берсін дегіміз келеді.

01.02.2023 ж. Қазақстан Республикасы Президентінің жанындағы Мемлекеттік басқару академиясы Жамбыл облысы бойынша филиалының тыңдаушылары «Мансап және отбасы: тепе-теңдікті қалай сақтау керек?» семинар тақырыбында «Анаға тағзым» орталығына экскурсия жасады.

     Семинар мақсаты: қызмет пен отбасындағы ер және әйел азаматың тепе-теңдігі мен өзара құрметі, басқарудың кәсіби құзыреттіліктері мен практикалық дағдыларын дамыту, мансап жолымен ілгерілеу үшін көшбасшылық құралдар мен технологияларын игеру.

⠀Семинар барысында келесі тақырыптар қарастырылды:
– Басқарудың барлық салаларындағы әйел миссиясы;
– Мемлекеттік қызмет пен отбасында ер және әйел азаматтарының міндетін қатар алып жүрудін маңыздылығы;

Семинар барысында мемлекеттік қызметшілердін өмірлік баланс денгейін аңықтауға арналған жаттығу жүргізіліп, сабақ жеке проблемалалық сұрақтардың шешімі арқылы талқыланып, өзара пікірлесумен қорытыланды.

Бәріңізге мансаптық өсуді тілейміз!

30.01.2023ж. Қазақстан Республикасы Президентінің жанындағы Мемлекеттік басқару академиясы Жамбыл облысы бойынша филиалында «Мансап және отбасы: тепе-теңдікті қалай сақтау керек?» тақырыбында 3 күндік біліктілігін арттыру семинары басталды.
⠀
Семинар 2023 жылғы 30 қаңтар-1 ақпан аралығында өтеді.
⠀
Семинар барысында қарастырылатын құзыреттіліктер:
♦️ Гендерлік саясаттың өзекті мен мәселелері
♦️ Еліміздегі отбасылық саясаттың басымдықтары: жетістіктер мен мәселелер
♦️ Басқару: қызметтегі көшбасшылық
♦️ Қызмет және отбасындағы тепе-теңдік
♦️ Моральды-этикалық нормаларға сәйкес арақатынас мәдениетін қалыптастыру
♦️ Өзгерістер әлемі: Жаңа Қазақстанды құрудағы гендерлік саясаттың рөлі
⠀
Семинар мақсаты: Жұмыс және отбасы арасындағы тепе-теңдік пен шекараны басқарудың кәсіби құзіреттіліктері мен практикалық дағдыларының дамуы, мансап жолымен ілгерілеуге қажетті көшбасшылық құралдары мен технологияларын игеру, өзгерістер әлемін қабылдау, сыни көзқарасқа төтеп беру дағдыларын жетілдіру
⠀
Сабақты жүргізеді: Тәтті Мадиярқызы Орынтай-ҚР Президентінің жанындағы Мемлекеттік басқару академиясының Жамбыл облысы бойынша филиалының оқытушысы, педагогика және психология магистрі.
⠀
Семинар тындаушыларына сәттілік тілейміз!
⠀
Құрметті оқырмандар, Академия филиалында кез-келген тақырыпта, сұраныс бойынша біліктілік арттыру семинарлары өткізілетінін естеріңізге саламыз.

ҚР Мемлекеттік қызмет істері агенттігінің Жамбыл облысы бойынша департаметінің басшысы, Әдеп жөніндегі кеңестің төрағасы лауазымына 2023 жылдың 24 қаңтарынан бастап Ілебаев Лесбек Құралбайұлы тағайындалды.
⠀
Осыған байланысты ҚР Мемлекеттік қызмет істері агенттігі Төрағасының орынбасары Беркімбаев Берік Серікұлы жаңа басшыны тағайындау мақсатында жұмыс сапарымен Жамбыл облысына келіп, Агенттігтің Жамбыл облысы бойынша аумақтық департаменті және ҚР Мемлекеттік басқару академиясының Жамбыл облысы бойынша филиал қызметкерлерімен кездесу өткізді.
⠀
Іс шараға Жамбыл облысы әкімнің бірінші орынбасары Нұржан Сәбитұлы Календеровта қатысып, жаңа қызметте биік жетістіктерге жетуіне тілектес екенін білдірді.
⠀
Лесбек Құралбайұлы ҚР Президентінің жанындағы Мемлекеттік басқару академиясы «Мемлекеттік және жергілікті басқару» мамандығы бойынша PhD докторы.
⠀
Түлегіміз Лесбек Құралбайұлын Академия және Филиалының ұжымының атынан жаңа қызметімен құттықтаймыз!

2023 жылдың 20 қаңтарында Қазақстан Республикасы Президентінің жанындағы Мемлекеттік басқару академиясының Жамбыл облысы бойынша филиалында қайта даярлау курстары мен біліктілігін арттыру семинарларына дәріс өткізетін эксперттерге/тренерлерге іріктеу комиссиясының отырысы өтті.
⠀
Байқауға қатысушылар мемлекеттік басқару және мемлекеттік қызмет саласындағы таңдалған тақырыптар бойынша презентациялары мен кейстерін ұсынды.

Жобаларды басқару әдістері мен құралдарын өз қызметіне белсенді енгізіп, қолданып жүрген мемлекеттік органдар мен басқа да ұйымдарды қолдау мақсатында «Qazaqstan Project Management Awards» ұлттық байқауы үшінші жыл қатарынан өткізіліп келеді.
⠀
Байқауды ұйымдастырушылар Қазақстан Республикасы Президентінің Әкімшілігі, Қазақстан Республикасы Мемлекеттік қызмет істері агенттігі, «Бәйтерек» Ұлттық басқарушы холдингі» АҚ, Қазақстан Республикасы Ұлттық экономика министрлігі, «Қазақстан Республикасының жобалық менеджерлер одағы» заңды тұлғалар бірлестігі және Қазақстан Республикасы Президентінің жанындағы Мемлекеттік басқару академиясы.
⠀
Байқауға қатысушылардың баяндамаларын бағалауды жобалық менеджмент саласындағы кәсіби асессорлар жүргізді, олардың ішінде филиалымыздың аға оқытушысы Сулейменова Толғанай  Ұлттық конкурсты жоғары деңгейде ұйымдастыруға және өткізуге қосқан елеулі үлесі үшін ұйымдастыру комитетінің төрағасы, Қазақстан Республикасы Президенті Әкімшілігінің Мемлекеттік басқару бөлімінің меңгерушісі Әлтаир Амангелдіұлы Ахметовтың алғыс хатымен марапатталды.
⠀
2021 жылы IPMA Global Project Excellence Awards марапатындағы QazPMA ұлттық байқауы жеңімпаз атанды және «алтынға» ие болды, бұл халықаралық сарапшылық қоғамдастықтың жобаларды басқаруды енгізудегі қазақстандық тәжірибені мойындағанын көрсетеді.

Қазақстан Республикасының Тәуелсіздік күнін дәріптеу мақсатында 15 желтоқсан күні Қазақстан Республикасы Президентінің жанындағы Мемлекеттік басқару академиясының Жамбыл облысы бойынша филиалы, Қазақстан Республикасы Мемлекеттік қызмет істері агенттігінің Жамбыл облысы бойынша департаменті, және Ш. Уәлиханов атындағы Жамбыл облыстық ғылыми кітапханасымен бірлесіп «Тұғыры биік-Тәуелсіздік» атты дөңгелек үстел өтті.
⠀
ҚР Президентінің жанындағы Мемлекеттік басқару академиясының Жамбыл облысы бойынша филиалының директоры Рауан Садырқұлов мемлекетіміздің қарқынды дамуы тұрақты саясат пен ішкі бірліктің арқасы, рухы биік, намысы берік бабаларымыздың ғасырлар бойғы аңсаған азаттығымыз бен тәуелсіздігімізді сақтау біздің басты мақскатымыз деп Тәуелсіздік күніне арналған іс-шараны ашты.
⠀
Патриоттық қозғалыс «Желтоқсан ақиқаты» республикалық қоғамдық бірлестігінің Жамбыл облыстық және Тараз қалалық филиалының төрағасы Санат Қонарбаев, «Желтоқсан көтерілісі» қоғамдық ұйымының мүшесі Жеңісбек Сабырайым, «Желтоқсан ақиқаты» республикалық қоғамдық бірлестігінің мүшелері Тоқабаева Гулнар, Еденов Ержан қатысты.
1986 жылдың 16-шы желтоқсанында елім жерім деп ұрандатқан желтоқсан құрбандары Қайрат Рысқұлбеков, Ләззат Асанова, Ербол Сыпатаев, Сабира Мұхамеджанова туралы ойларымен бөлісіп, тәуелсіздік жолындағы қазақтың біртуар жастарының ерлігіне, қаһармандығына бас иіп, құрмет көрсетуіміз керек екенін айтты.
⠀
Сонымен қатар, іс-шараға қатысқан қонақтар «Тәуелсіз Қазақстан – Әділетті Қазақстан» атты кітап көрмесімен танысты.

Тәуелсіздік күні мерекесіне орай «Донор бол» акциясы аясында Филиал қызметкерлері директор Рауан Садырқұлов пен бөлім қызметкерлері Тараз қаласында орналасқан Жамбыл облыстық қан тапсыру орталығына барып, қайтарымсыз көмек беру дәстүрімен қайырымдылық акциясына қатысты.
Қайырымдылық акцияның мақсаты – қанға мұқтаж жандарға қол ұшын созу.
⠀
Қазіргі өркениетті заманда адамдар, оның ішінде бүлдіршіндер қанмен байланысты түрлі аурулармен ауырып жатады. Айтып келмес жол апаттарымен түрлі операцияларда болатын қан кетулерде, еліміздің дәрігерлері қан қажет етеді. Ешкімде өз өміріне ешқандай қиындықтардың, жазатайым оқиғалардың болмайтынына кепілдік бере алмайды.
⠀
Осыған байланысты, әрбір адамға үміт сыйлау, өз өміріне деген үмітін нығайту, «Бір тамшы қан –жанға араша»- деп, ойлау және қаңға мұқтаж азаматттарға қан беріп дертінен айырып, өмірін алып қалу мақсатында Филиал қызметкерлері  қан тапсырды.
⠀
Қан тапсыру іс-шарасы Қазақстан Республикасы Президентінің жанындағы Мемлекеттік басқару академиясының Жамбыл облысы бойынша филиалының директоры және бөлімінің қызметкерлері жыл сайын дәстүрлі түрде жалғасын таппақ.

2022 жылдың  13 желтоқсан күні  Қазақстан Республикасы Президентінің жанындағы Мемлекеттік басқару академиясының Жамбыл облысы бойынша филиал қызметкерлірі Адам құқықтары жөніндегі уәкілдің Жамбыл облысы бойынша өкілі – Байхожаев Берікбол Ұзақұлымен жұмыс кездесуін өткізді.
Танысу кездесуі барысында Берікбол  Байхожаев  қызметкерлерге  Адам құқықтары жөніндегі уәкіл институтының қызметі мен мақсаттары туралы, жақында қабылданған конституциялық Заң туралы хабардар етті. Уәкіл сондай-ақ, өзара өзекті мәселелер бойынша ақпаратпен бөлісті.

«Бюрократиясыз аппарат»

Қазақстан Республикасы Президентінің жанындағы Мемлекеттік басқару академиясы және Қазақстан Республикасы Мемлекеттік қызмет істері агенттігінің бастамасымен жүзеге асып жатқан «Бюрократиясыз аппарат» Республикалық жобалар байқауына Жамбыл облысы бойынша филиалының «Б» корпусы мемлекеттік әкімшілік қызметіне алғаш кірген мемлекеттік қызметшілері қатысып, өз ойларын ортаға салды.
⠀
Зият Нурмаханов «Мемлекеттік және Мемлекеттік емес ұйымдар арасында тек келісім жасауға арналған бағдарлама құру»,
⠀
Айдана Олжабек «Бюрократиясыз әкімдік – Бюрократиясыз мемлекет»,
⠀
Мақсат Рахманқұл «Внедрение по изменению и улучшению портала Е-архив»,
⠀
Жайық Жасұланұлы «Дебюракратизация внутри государственных органов»,
⠀
Бакытжан Абдураимов «Әкімшіліктегі қағазбастылықты азайтудағы технологиялық өзгерістер» атты осындай тақырыптарда өз жобаларын ұсынып, мемлекеттің даму үрдісіне өз үлестерін қосатындықтарын білдірді.
⠀
Бұл байқауға Жамбыл облысының мемлекеттік қызметшілері белсенді түрде соңына дейін  қатысатын болады.