2022 жылы 2-6 мамыр аралығында ҚР Президентінің жанындағы мемлекеттік басқару академиясының Жамбыл облысы филиалының ұйымдастыруымен Т. Рысқұлов, Меркі, Қордай, Шу, Мойынқұм аудандарының әкімдіктері аппараттарының мемлекеттік қызметшілерімен кездесулер өткізілді.
⠀
Кездесу аясында Академияға магистратура және докторантура бағдарламалары бойынша оқуға қабылдау ережелері түсіндірілді. Т.Рысқұлов және Меркі аудандарында өткен жиынға Академия түлегі, Жамбыл облысы бойынша Әділет департаментінің аға сот орындаушысы Айтжанов Саламат Бақбергенұлы қатысып өзінің Академия қабырғасында жинақтаған тәжірибесі мен алған білімінің артықшылықтарымен бөлісіп, оқуға түсуге дайындық бойынша қатысушылардың сұрақтарына жауап берді.
⠀
Сондай-ақ кездесу аясында мемлекеттік қызметшілерге қазіргі уақытта кеңінен қолданысқа еніп келе жатқан Сыбайлас жемқорлыққа қарсы менеджменттің ISO 37001 стандарты және сыбайлас жемқорлыққа қарсы комплаенс туралы түсіндірме дәріс өткізілді.
