2022 жылғы 18-20 сәуір күндері ҚР Президентінің жанындағы мемлекеттік басқару академиясының Жамбыл облысы филиалының ұйымдастыруымен Жамбыл облысының Жуалы, Сарысу, Талас аудандарының әкімдіктері аппаратының қызметкерлерімен көшпелі кездесу ұйымдастырылды. Кездесу барысында Филиалдың жетекші сарапшысы Асанов Мәлік Назымбекұлы мемлекеттік қызметшілерді Академияға магистратура мен докторантура бағдарламалары бойынша оқуға қабылдаудың 2022 жылға арналған ережелеріндегі жаңалықтармен таныстырды және мемлекеттік қызметшілердің осы тақырыпқа байланысты сұрақтарына жауап берді.
⠀
Кездесудің екінші жартысында «Сыбайлас жемқорлыққа қарсы менеджмент және комплаенс» тақырыбында дәріс өткізілді. Дәріс спикері, Филиал профессоры Бекмұхан Жұмаханұлы Ахметов сыбайлас жемқорлыққа қарсы күрестің халықаралық деңгейде қабылданған әдіс-тәсілдері, оның ішінде сыбайлас жемқорлыққа қарсы менеджмент жүйесі, комплаенс қызметтің қажеттігі, ерекшеліктері, қазіргі таңдағы өзектілігі туралы жан-жақты баяндады. Сонымен қатар, дәріс аясында «ISO 37001 – Парақорлыққа қарсы менеджмент жүйесі» стандарты туралы сөз болып, аталған стандартты енгізудің тиімді жақтары туралы айтылды.
