Бүгін, 2022 жылдың 22 ақпаны күні Қазақстан Республикасы Президенті жанындағы Мемлекеттік басқару академиясының Жамбыл облысы бойынша филиалында қайта даярлау курсынан өтіп жатқан мемлекеттiк әкiмшiлiк басшы лауазымына алғаш тағайындалған мемлекеттік қызметшілер ҚР Парламенті Мәжілісінің депутаты, Аграрлық мәселелер комитетінің мүшесі, Қазақстанның еңбек сіңірген қайраткері Мейрамбек Мылтықбайұлы Төлепбергенмен кездесті. Кездесу еркін форматта, сұрақ-жауап алмасу түрінде өтті.
⠀
М. Төлепберген қаңтар айында болған оқиғалардан кейінгі елімізде қалыптасқан саяси ахуал туралы сөз қозғап, мемлекетіміздің алдында жағдайды тұрақтандыру, дамудың жаңа белесіне шығу міндеті тұрғанын атап өтті. Осы міндетті атқарудағы үлкен жауапкершілік барлық деңгейдегі мемлекеттік қызметшілерге жүктелетіні белгілі, сондықтан мемлекеттік қызметшінің саяси сауаттылығы, әдеп нормаларын сақтауы, ең алдымен халыққа жақын болуы, халық үніне құлақ аса білуі басты шарт.
⠀
Өз кезегінде тыңдаушылар қатарында жүрген мемлекеттік қызметшілер Мейрамбек Мылтықбайұлынан өздерін толғандыратын өзекті сұрақтарына жауап алды.
