Жаңалықтар

Жаңа директор тағайындалды!

Академияның Жамбыл облысы бойынша филиалының директоры лауазымына 2021 жылғы 12 қазаннан бастап Рауан Нұрғалиұлы Садырқұлов тағайындалды.
Осыған байланысты Филиалға Академияның бірінші вице-ректоры Еркін Шажаұлы Дүсіпов жұмыс іссапарымен келді. Жаңа директорды ұжымға таныстыру мақсатында ұйымдастырылған жиынға сонымен қатар Жамбыл облысы әкімі аппаратының басшысы Расул Махмудұлы Медетов және ҚР Мемлекеттік қызмет істері агенттігі Жамбыл облысы бойынша департаментінің басшысы Шәкір Асылханұлы Сұлтанхан да қатысты. Еркін Шажаұлы және жиынға қатысқан қонақтар Рауан Нұрғалиұлына жаңа қызмет орнында зор жетістіктер тіледі.
Р.Н. Садырқұлов жоғары білім саласында зор тәжірибе жинақтаған: еңбек жолын орта мектепте мұғалім болып бастаған ол әртүрлі жылдары М.Х. Дулати атындағы Тараз өңірлік университетінде Білім сапасының мониторингі орталығында инспекторы, ҚР БжҒМ жоғары және жоғары оқу орнынан кейінгі білім департаментінде, Білім саласындағы бақылау комитетінде бас сарапшы, ҚР Президенті жанындағы Мемлекеттік басқару академиясының Қолданбалы зерттеулер және халықаралық әріптестік орталығында бас сарапшы қызметтерін атқарды. Пекин педагогикалық университетінде (ҚХР) докторантурада «Білім саласының экономикасы және басқару» мамандығы бойынша оқып, 2020 жылы докторлық диссертациясын табысты қорғап шықты.
Академия филиалының ұжымы атынан Рауан Нұрғалиұлын жаңа қызметімен құттықтаймыз және оның кәсптік біліктілігі мен ұйымдастыру қабілеті Филиал қызметіне жаңа серпін береді деп сенеміз.
 

0
Would love your thoughts, please comment.x
()
x