2019 жылдың 11 қазан күні Қазақстан Республикасы Президентінің жанындағы мемлекеттік басқару академиясының Жамбыл облысы бойынша филиалында «Үкіметтік емес ұйымдармен және қоғамдық кеңестермен байланыс» тақырыбындағы біліктілікті арттыру семинары басталды.
Семинардың мақсаты: Тыңдаушыларға мемлекеттік органдар мен үкіметтік емес ұйымдардың арасындағы әріптестіктің нысандары мен қызмет ету әдістерін, қоғамдық кеңестердің мемлекеттік органдардың қызметіне тигізетін әсерін үйрету, сондай-ақ, тиімді коммуникация жасау дағдыларын меңгерту. Сонымен бірге, латын графикасына негізделген қазақ әліпбиінің негіздерін үйрету.
Семинарға шолу:
- Үкіметтік емес ұйымдар мен мемлекеттік органдар арасындағы әріптестік;
- Қоғамдық кеңестер қызметінің негізгі бағыттары
- Латын графикасы – жаңа қазақ әліпбиі;
- Тиімді коммуникациялық дағдылар.
