Президенттің биылғы жолдауында халықтың көкейіндегі нақты мәселелер толығымен талқыланды деп айтсақ болады.
⠀
Уақыт кезеңіне байланысты маңыздылығына бөлсек, бүгінгі күннің өзекті сұрақтары, пандемиядан кейінгі әлеуметтік – экономикалық ахуалды қалыпқа келтіру, ел назары мен қорқынышын туындатқан қуаңшылық мәселесінің шешімдері, сонымен қатар, денсаулық сақтау және білім беру мәселелерінің түйткіл тұстары және жетілдіру жолдары кеңінен көрініс тапты.
⠀
Сонымен қатар, еліміз үшін стратегиялық маңызды және перспективті басым бағыттарда өз кезектерінде тиімді талқыланды. Атап айсақ, стратегиялық инвестициялық бағыт, қарапайым заттар экономикасы жалғасуы, өңдеуші өнеркәсіптерді дамыту арқылы экспортқа бағытталу, АӨК дамытуға байланысты өзекті мәселелер (мал жайылымынан бастап ветеранияраға дейін), туындауы ғылыми дәлелденген су тапшылығының алдын алу шаралары және де жалпы осы АӨК-нің техникамен қарулануынан бастап жаһандануға негізделген цифрландыру қажеттіліктеріне дейін жолдауда ашық көрсетілді.
⠀
Қазақстан Республикасының бір тұтас ынтымағын мақтанышымыз деп айтсақ әбден болады. Осы орайда, Ұлттың ұйысуы мәселесінің маңыздылығы, ынтымақты ойлайтын халықтың көкейінен шыққан маңызды мәселенің алды болғаны сөзсіз.
Ахметов Бекмұхан Жұмаханұлы
ҚР Президентінің жанындағы Мемлекеттік басқару академиясының Жамбыл облысы
бойынша филиалының доценті.
Қазақстан Республикасының Президенті Қасым-Жомарт Тоқаевтың Қазақстан халқына Жолдауында ауыл шаруашылығы саласына басымдық берілді. Бұл сала – экономиканы дамытудың басым бағыттарының бірі, сондықтан зор әлеуетке және үлкен резервтерге ие.
Қазақстан халқының 42% ауылдық жерлерде тұрады, бұл шамамен 7,7 млн. адамды құрайды. Бүгінде елдің агроөнеркәсіптік кешені халықтың 14%-н жұмыспен қамтамасыз етеді.
Жалпы Қазақстанның аграрлық секторы жоғары капитал сыйымдылығымен, ұзақ өтелу мерзімімен, төмен табыстылығымен, табиғи-климаттық жағдайларға тәуелділігімен сипатталады, бұл оны экономиканың басқа салаларымен салыстырғанда бәсекеге қабілеттілігін төмен етеді.
2019 жылғы Азық – түлік қауіпсіздігі индексіне (2019 The Global Food Security Index) сәйкес, Қазақстан рейтингке қатысушы 113 елдің ішінде 48-орынды (2018 жылы-113 елдің арасында 57-орынды) иеленді.
Ауыл шаруашылығы секторы соңғы жылдардағы дамудың оң серпініне қарамастан, әлі күнге дейін көптеген теріс үрдістер еңсерілмеген отандық экономиканың рентабельділігі төмен секторларының қатарында болып отыр. Егер 1991 жылы Қазақстанның АӨК ЖІӨ-нің үштен бір бөлігін (29,5%) қамтамасыз етсе, бүгінде АӨК ЖІӨ-нің шамамен 4,5% өндіреді.
Коронавирустық пандемия Қазақстан экономикасына айтарлықтай әсер етті. Шекаралардың жабылуы, келісімшарттардың күшін жою және азық-түлік жеткізілімдерінің кешігуі импортты алмастыру бағытында әрекет етуді, ішкі тұтыну үшін мүмкіндігінше көп өнім өндіруді қажет ететіндігін байқатты.
Жолдауда ауылдың әлеуметтік-экономикалық дамуына әкімдердің тікелей жауапкершілігі тәуелсіз әлеуметтік сұраулар арқылы жүргізілетін болады делінді. Бұл әкімдердің қызметін жан-жақты объективті бағалауға мүмкіндік береді.
Раушан Есберген
ҚР Президентінің жанындағы Мемлекеттік басқару академиясының Ақтөбе облысы
бойынша филиалының профессоры, экономика ғылымдарының кандидаты
